خبرگزاری مهر: به نقل از آناتولی، عبدالله عبدالله رئیس اجرایی دولت افغانستان امروز پنجشنبه در دیدار با امام‌علی رحمان رئیس جمهوری تاجیکستان در شهر دوشنبه اعلام کرد: افغانستان پیش نویس توافق نامه راهبردی میان کابل و دوشنبه را نهایی کرده و به زودی توسط مسئولان دو کشور امضاء خواهد شد.
رئیس اجرایی دولت افغانستان با اشاره به اینکه کشورش از طرح راه آهن منطقه‌ای سه جانبه و پنج جانبه حمایت می‌کند، اظهار داشت: در دیدار با نخست‌وزیر و رئیس پارلمان تاجیکستان توافقنامه، یادداشت تفاهم مشترک و بیانیه بین دو کشور در حوزه‌های مختلف به امضا می‌رسد.
وی در ادامه تصریح کرد: از پیشنهاد رئیس جمهوری تاجیکستان برای همکاری برای مقابله با تروریسم و قاچاق موادمخدر نیز حمایت و آمادگی افغانستان را در این زمینه اعلام می‌کنیم.
امام‌علی رحمان نیز در این دیدار خواهان افزایش همکاری‌های اقتصادی و تجاری میان دو کشور شده و وعده افزایش صادرات برق تاجیکستان به افغانستان را داده است.
رئیس جمهور تاجیکستان در ادامه با اشاره به تغییرات جدی در سیاست‌های منطقه‌ای و بین المللی خواهان همکاری جدی میان نهاد‌های نظامی و امنیتی دو کشور شده است.
